Wéi kënnt dir de Mamerhaff ënnerstëtzen ?

Wann dir regelméisseg iwwer eis Aktivitéiten wëllt informéiert ginn an um Geschéien um Mamerhaff deelhuele wëllt, begréisse mir Iech gären als Member. Dëst kënnt dir duerch eng jäerlech Iwwerweisung vu mindestens 10 Euro op de Kont vun der Mamerhaff asbl ginn.

An eise Berodungs- an Therapieservicer kënnt dir Famillen an/oder eenzel Persounen ënnerstëtzen, déi d’Käschten net oder nëmmen deelweis droe kënnen. Doduerch dass dir an e Fong abezuelt, iwwerhuelt dir een Deel vun de Käschten an des Famillen kënne vun eisen Servicer profitéieren.

Mat äre Spende kënne mir konkret Projeten vum Mamerhaff verwierklechen, hëllefsbedürfteg Persounen a Famillen ënnerstëtzen, de Mamerhaff mat Liewe fëllen.

Wëllt dir Iech gären als Mënsch an d’Geschéien um Mamerhaff abréngen a benevole bei Aktivitéiten mathëllefen, da kënnt dir Iech gären un eis wenden.